මේ අද අරගෙන ආපු චිත්රපටයත් මෑත කාලයේදී තිරගත වුණු චිත්රපටයක්. හරියටම කිව්වොත් පසුගිය අප්රේල් මස 02 වෙනිදා සිටයි. අලුත් චිත්රපටයක් වුනාට කතාවනම් පරණ කතාවක්ම තමයි. හැබැයි මෙහි ප්රධාන චරිත වලට රේඛා, හේමා මාලිනී සහ රිශී කපූර් අරගෙන තියෙනවා. ඒත් පෙම් යුවල ලෙස නවක නලු නිලි යුවලක් තමා රගපාන්නේ. කතාව සැකෙවින් ගත්තොත් මෙහෙමයි.
මේ කතාව 1967 කතාවක්. ඔයාලට මතක ඇතිනේ 1947 ඉන්දියාව සහ පකිස්තානය අතර ගැටුම් ඇතිවුනා. කෝච්චියක් පුරා මිනී පුරවලා එව්වා එහෙම මතකනේ. ඔය කලබල කාලේදී ඉන්දියාවේ හිටපු මුස්ලිම් පවුලක් පැනලා යනවා පාකිස්තානයට, ඒත් ඔවුන්ට තමන්ගේ එකම පුතා මග හැරෙනවා. කොහොමහරි මේ අය පදිංචි වෙලා හිටපු ගෙදරට එනවා පකිස්තානෙන් පැනලා එන හින්දු පවුලක්. මේ හින්දු පවුලට මේ පොඩි ලමයා හම්බවෙනවා. ඒ වෙනකොට ඔවුන්ගේ ලමයා මිය ගිහින්. ඒ නිසා මේ පොඩි ලමයා හින්දු ලමයෙක්ලෙස හදා ගන්නවා. කාලයක් ගිහින් මේ පුතා ලොකු වෙලා තරුණියකට ආදරය කරන්න ගන්නවා. ඒත් ඇය මුස්ලිම් තරුණියක්. මේ නිසා ඇයගේ දෙමාපියන් ඔවුන්ගේ කසාදෙට විරුද්ධ වෙනවා. ඉතිං අර හින්දු දෙමාපියෝ මේ තරුණයා මුස්ලිම් තරුණයෙක් කීවත් පිලිගන්නෙ නෑ ඔවුන්. ඒ නිසා අර දෙමාපියන් තීරණය කරනවා තරුණයාගේ ඇත්ත දෙමාපියන් හොයලා දෙන්න. ඔන්න ඔය වගේ කතාවක් තමා මෙහි තියෙන්නේ. බලන්නකෝ ඉතිරි ටික චිත්රපටය බාගෙනම මේ ඇත්ත දෙමාපියනුයි හදාගත්ත දෙමාපියනුයි අතර මොකද වෙන්නේ කියලා.
කතාවනම් ලස්සනයි. අර ප්රවීන නලු නිලියන් නිසා කතාව හොදට ගලාගෙන යනවා. ඒත් නවක නලු නිලි යුවලගේනම් අපිට සාර්ථක රගපෑමක් දකින්න බෑ. සම්ප්රදායික හින්දි පෙම්කතා වලට කැමති අයට හොද චිත්රපටයක් මේක.
